મળી છે તક તો

મળી છે તક

તો માનવી બની ને જીવી લે,

આંગણે આવેલી તક ને વધાવી લે,

કુંડાનો છોડ બની શા માટે ઊગે તું ?

ઘેઘૂર વડલો બની વિશ્રામનું સ્થળ બની જા,

બસ વિશાળ સમંદર ના બને તો કંઈ નહિ,

બસ મીઠી સરિતા બની પ્યાસ બુઝાવી જા,

મહાન નેતા બનીને શું કરીશ ?

આમ આદમી બની આદમી ને મદદરૂપ થતો જા,

મારું મારું કરી

ભેગુ કરી,

શું કરીશ ?

લૂટાવી દે ખજાનો,

કર્ણ બની જા,

દુઆઓનો ખજાનો ભેગો કરતો જા,

મળી છે શ્વાસોની મહોલત,

કોઈની જીવનની કેડી કંડારી જા,

કોઈનું જીવનપથ ઉજાળી જા,

તારા માટે જ જીવી ને,

શું કરીશ ?

બીજા કાજે જીવી જા,

નામ દુનિયામાં રોશન કરતો જા,

ઓળખાણ તારી અલગ સ્થાપિત કરતો જા,

મળી છે તક તો,

તારા જ ભાગ્યનો વિધાતા તું બની જા.