મઝધારે
મઝધારે
હાલક-ડોલક મનડું ડોલે જીવનનાં મઝધારે,
ઉટપટાંગ વિચારો સતાવે જીવનનાં મઝધારે,
સંઘર્ષ કરીને એકલપંડે ઝઝૂમવાનું હોલે-હોલે,
દૂર દૂર મીટ માંડી ભલે દિશા ના મળે મઝધારે,
સાચો સહારો એક તારણહાર બને છે સૌનો,
પરમપિતાનાં વિશ્વાસે જ હિંમત રહે મઝધારે,
ડગલે ને પગલે સાવચેતી રાખી વધવું ધીરેધીરે,
ઝઝૂમતાં રહીએ હરપળ જીવનનાં મઝધારે,
આશાઓનાં દીપ પ્રગટાવી વધવાનું હોંશે-હોંશે,
મળે ના કિનારા ત્યાં સુધી ઝઝૂમવાનું મઝધારે.