મિત્રતા

તારી મારી દોસ્તી લાગણીની,

મારી સાથે ન કરને કીટ્ટા;

આપણે તો છીએ પાક્કા મિત્ર-સખા,

ચાલ હવે કરી લેને બુચ્ચા !

તારી મારી મિત્રતા છે  લાગણીની;

તો કેમ? મને જોઈ, થઈ જા છો દૂર ?

ચાલ હવે કરી લેને બુચ્ચા !

ઓ મિત્રચહેરા શોભે સદા સ્મિત;

મને બનાવને તારા હૃદયની મનમીત,

ચાલ હવે કરી લેને બુચ્ચા !

તારો-મારો સંબંધ છે, બાળપણથી લાગણીનો

તો કેમ ? કરે છો મારા પર ગુસ્સો ?

ચાલ હવે કરી લેને બુચ્ચા !

ઓ મિત્ર એટલું બધુ મોં ન મચકોડ;

હસવા માટે દિવસની ક્યાં છે ખોટ ?

ચાલ હવે કરી લેને બુચ્ચા !

દરેક સંબંધ શોભે લાગણીથી;

જોઈ મને, કેમ ચાલ્યો જા છો ખસીને ?

ચાલ હવે કરી લેને બુચ્ચા !

ઓ મિત્ર તારી મારી લાગણી અલગ,

જીવનમાં ચલણ છે હસવાનો;

ચાલ હવે કરી લેને બુચ્ચા !