મિશન સફળતાનું

ચાલો સફળતાનું મિશન કરીએ પાર,

સિદ્ધ કરવા ધ્યેય, મહેનત કરીએ અપાર,

આવે જો કોઈ અડચણ તો આપશું માત,

અંધારી રાત્રિનું પણ કરશું આપણે પ્રભાત,

મહેનત કરતા રહીએ આપણે લગાતાર,

બસ પરિશ્રમ એ જ તો છે સાચું હથિયાર,

ઊગતા સૂરજ જેવી સ્ફૂર્તિ રાખીએ,

સરિતા જેવી હૈયે હામ આપણે રાખીએ,

હવા જેવો તરવરાટ આપણે રાખીએ,

પહાડ જેવી મક્કમતા આપણે રાખીએ,

ચાલો સમયની સાથે આપણે ચાલી લઈએ,

મિશન સફળતાનું આપણે પાર કરી લઈએ.