મારે તો લીલા લહેર હોય

ઘણી દુઆઓ નિષ્ફળ ગઈ મારી,

ઈશ્વરને દોષ શું આપવો ?

શાયદ મારી માંગણીમાંજ કોઈ ફેર હોય !

શાયદ મે માગ્યું એનાથી વધારે આપવું હશે !

મે ટીપું માંગ્યું, એને દરિયો આપવો હશે,

ઈશ્વરની મરજી સમજી એમાં,

મારે તો લીલા લહેર હોય,

ભલે ને સૌ કોઈ રાખે મારા માટે વેર !

તોય મારા મનમાં ક્યાં છે કોઈ માટે ઝેર !

મેં તો ઈશ્વર પ્રત્યેની આસ્થાનો દીપ રાખ્યો છે જલાવી,

પછી ભલેને દુનિયામાં ચારેકોર અંધેર હોય !

કોઈ મુસીબત કોઈ તકલીફ મને સ્પર્શી પણ નહિ શકે,

ઈશ્વર છે મારી સાથે મને ડર શું ?

પછી ભલેને મુસીબતોની ઢેર હોય !

લાખો દુઆ છે મારી રાહમાં, હૈયે હામ છે,

ડરું હું શું કામ ?

સામે ભલેને સમસ્યાઓની કહેર હોય !

ઈશ્વર છે હંમેશા મારી તરફેણમાં

પછી વિરૂદ્ધ મારી ભલેને આખું શહેર હોય !