મારે માપવો છે ગગનનો છોર

ઊંચે આભે ઊડવું છે મારે,

વિહગ વાટે, વ્યોમ વાચડે,

કોઈ ગોતો ગગનનો છોર;

મારે ભમવું ગગનની કોર,

આ પંખી સાથે ઊડવું મારે !

પાંખ ક્યાંથી લાવવી મારે ?

કાગળ લઈને દોરું પતંગ,

મારે ઊડવું છે ગગનની કોરે; કોર,

ચાંદા, સૂરજને મળવું મારે,

તારલા સંગે ટમકવું મારે,

કોઈ કાનસ બાંધી આપો;

કે, તુલક બની ચમકવું મારે,

માંજો કાચ પીધેલો ન મારે,

કોઈથી કોઈ'દિ પેચ ન મારે,

ઊડે,ઊડવા દે કોઈ કોઈ ને કાપે ન મારે;

એવાં ગગનમાં ઊડવું મારે,

ઉત્તરોત્તર અયન કરવું મારે

દક્ષિણમાં નહીં કપાવવું મારે

પંખીની ડોક- પાંખ સલામત

એવા પતંગ લઈ ઊડવું મારે,

મને આપો કોઈ -'પતંગ અને દોર'

મારે માપવો છે ગગનનો છોર,

મને આપો પતંગનો દોરો

મારે પામવો છે ગગનનો છોર.