માનું સમર્પણ

સમર્પણ તારું મા સરખાવી ન શકું,

હા! બસ સસ્નેહ એને નીહાળી શકું.

તારી કાળજી લેવાની ભાવના ચિતરું કેમ?

હા! અનુભવી બસ ધન્ય ધન્ય થઈ શકું,

ભાવથી અઢળક ભરાયેલી છે તું,

માટે જ હૈયું મારું ભીંજાતું રાખી શકું.

ઉપકારોની વાત તને કદાચ નહીં ગમે,

એટલે તો બધું તું જ છે મા કહી શકું.

દુઃખો સહીને પણ તું કેવું હસી શકે છે!

એટલે ખુશીના હજાર કારણ શોધી શકું છું.

તારા સમર્પણને શું અર્પણ કરી કરું હું?

જન્મોજન્મ બસ! તું જ મા મળે પ્રાર્થી શકું.