માની મમતા

લાગણીનો સદા દરિયો છલકાવીને રાખે;

ઓ માત મોરી સૌ જગનો સ્નેહ ભરી રાખે !

સદા ઉર ભીતર સંતાપને છૂપાવી રાખે;

ઓ માત મોરી મન વચન સદા શિવમાં સમાવી રાખે !

હર જીવ સંગ જીવ લગાવીને રાખે;

ઓ માત મોરી હર પળ આશિષ ઉરમાં ભરી રાખે !

કઠોર કોમળ સ્વભાવ ભલે તું રાખે;

ઓ માત મોરી સૌ જગની સદા રીત બતાવી રાખે !

ચોમેર આશિષની હેલી વરસાવી રાખે;

ઓ માત મોરી મા બની જીવન કેરા પાઠ શીખવાડી રાખે !

મન ભીતરે દુઃખડા સમાવીને રાખે;

ઓ માત મોરી હાસ્યની મીઠી સુવાસ ભરી રાખે !

હજાર કષ્ટ વેઠી નવ જીવને ભરી રાખે;

ઓ માત મોરી તું પ્રભુ કેરી મમતા કણ કણ વહાવી રાખે !