માંહ્યલાને મ્હાલતો કરીએ

ચાલને થોડી વાતો કરીએ,

માંહ્યલાને આજ મ્હાલતો કરીએ,

વ્યસ્ત છે સૌ પોતપોતાનામાં

ચાલ; ખાલીપાનેય થોડો વ્હાલો કરીએ !

વાર-તહેવારો હવે ડિજિટલ થઈ ગયા,

વોટ્સએપ પર આપ-લે ના વહેવાર સાચવી લઈએ,

ફરિયાદ કરીને યાદ કરવા કરતાં,

ચાલને ઘડીક ખુદનેજ ઢંઢોળીએ,

ચોખવટથી થોડા અળગા થઈ જઈએ,

ખુદનેય પિછાણવાની કોશિશ તો કરીએ,

એકલા જ આવ્યા ને એકલા જ જવાના,

પોતાની પાસે થોડુ બેસી તો લઇએ !

ચાલને થોડી વાતો કરીએ 

માંહ્યલાને આજ મ્હાલતો કરીએ !