કુદરતની રંગોળી

કેવી સુંદર છે !

આ કુદરતની રંગોળી,

અદભુત રંગોનું કેવું કોમ્બિનેશન છે

લીલો પોપટને લાલ એનો કાંઠલો છે.

લીલાં પાન ને સફેદ ગુલાબી લાલ પીળા કેસરી લાલ ફૂલો છે.

કેવી અદભુત !

કેવી સુંદર !

કુદરતની લાજવાબ રંગોળી છે.

આકાશનાં આ આંગણમાં મેઘ ધનુષ્યનાં

સપ્તરંગી રંગોથી શોભતી કેવી નયનરમ્ય રંગોળી છે,

આ ધરતીનાં આંગણમાં પણ પૂરી સુંદર રંગોળી છે,

આ ધોળા બગલાને કાળી કોયલ,

આ સફેદ સસલાને સોનેરી હરણ,

આ સુંદર કળા કરતો મોર ને ચી ચી કરતી ચકલી છે,

આ આંબા ડાળે ગાતી કોયલ ને

આ સુંદર સરોવરમાં તરતો સફેદ હંસલો છે,

આ ભૂરું આકાશ ને હરિયાળી ધરતી છે

કેવી ખૂબસૂરત કુદરતની રંગોળી છે,

આ સુંદર ઘાટીલો દેહ આપ્યો માનવી ને

હૃદયમાં પ્રેમની પૂરી રંગોળી છે,

આપી રુદિયે સદભાવનાનો રંગ

રંગ વિહીન માનવીનાં જીવનમાં,

રંગ પૂરવાની ભાવના બક્ષી છે,

કેવી સુંદર !

કેવી અદભુત !

કેવી નયનરમ્ય !

કેવી લાજવાબ !

કેવી અણમોલ !

કુદરતની શ્રેષ્ઠ રંગોળી છે.