કર વિશ્વાસ જે સામે જ બોલે

કર વિશ્વાસ જે સામે જ બોલે,

ન કર વિશ્વાસ જે પીઠ પર બોલે !

ખુદદારી ઈમાનદારીની વાત ન્યારી !

પણ જરૂર પડે કોઈ પડખે ન તારી !

અહીં તો સૌ પળે પળે રંગરૂપ બદલે છે,

મળે જ્યાં સુધી મેવા ત્યાં સુધી સૌ નમે છે !

આજે જે નમે છે તને, કાલે બીજાને નમવાના,

અસ્ત થતાં ને કોણ પૂછે ? ઊગતાને પૂજવાના !

જેનું મન સાફ એ કરશે સદા વાત સાફસાફ,

બોલી છો હો કડવી પણ વાતમાં હશે ઈન્સાફ !

નજર મિલાવી વાત કરે એને નજરઅંદાઝ ન કર,

કાન્તાસુત નજરપારખ હો તુજ પાસ પરખ નજર.