કઈંક ખૂટે છે

કઈંક ખૂટે છે….

 

દીસે અધૂરો રૂઆબ પહાડ તવ

ઝરણાં સરીખું કઈંક ખૂટે છે.

 

તરૂવર છોને રમો જ લીલુંડાં

કલરવ સરીખું કઈંક ખૂટે છે.

 

છો ને છલકો જ ફૂલ કટોરા

પવન સરીખું કઈંક ખૂટે છે.

 

ઝરુખા ઝગમગ ચક્ષુ જ બાવરાં

તમ સરીખું કઈંક ખૂટે છે.

 

મલકે જોબન જ રંગ-રંગીલું

ઢોલ સરીખું કઈંક ખૂટે છે.

 

સજ ના રજની વધુ જ તારલિયે

પ્રભાત સરીખું કઈંક ખૂટે છે

 

મરકટ મન સૂણ વાત જ ટકાની

રટ તારામાં કઈંક ખૂટે છે.

રમેશ પટેલ(આકાશદીપ)