Library
Profile
કહેજે જરા
કહેજે જરા
1 min
240
હે ઈશ્વર ! હર કણકણમાં તારો વાસ
હર દિલમાં તું ધડકન બની કરે નિવાસ,
આ મને થતો આભાસ છે કે હકીકત કહેજે જરા...!
બનાવ્યા તે માનવી સૌ સરખા
છતાં માનવ મગજ તો સૌના નોખાં
આ મને થતો આભાસ છે કે હકીકત કહેજે જરા...!
કહે છે સૌ ભૌતિક સુખથી મળે સર્વ ખુશી
પણ લાખોની આવકવાળા ઘરમાં પણ નાખુશી
આ મને થતો આભાસ છે કે હકીકત કહેજે જરા...!
મા બાપની સેવા થકી મળે ઈશ્વર સંગાથ
છતાં મા-બાપને વૃદ્ધાશ્રમ મૂકી શોધે મંદિર ઈશ
આ મને થતો આભાસ છે કે હકીકત કહેજે જરા...!
હર દિલમાં છે ઈશ્વર તારો જ અંશ
એજ દિલને નીચે પાડવા થતાં રોજ પ્રપંચ
આ મને થતો આભાસ છે કે હકીકત કહેજે જરા...!
