કેવી છે જિંદગીની સફર
કેવી છે જિંદગીની સફર
કેવી છે આ જિંદગીની સફર,
કૈક મેળવવા કૈક ગુમાવવું પડે છે,
સોનું બનવા કેટલીય વાર,
ટીપાવવું પડે છે.
કેવી છે આ જિંદગીની સફર !
કેટલીયવાર પથ્થર બની ઠોકર ખાવી પડે છે.
મૂરત બનવા ટાંકણાનાં કેટલાય ઘા,
સહન કરવા પડે છે.
કેવી છે ! આ જિંદગીની સફર,
ફૂલ બની મહેકવા,
કાંટાઓ વચ્ચે ઘેરાવું પડે છે.
કેવી છે ! આ જિંદગીની સફર,
અંધકાર ભરી ડગરમાં ઉજાસ માટે,
જાતને બાળવી પડે છે.
કેવી છે ! આ જિંદગીની સફર,
બીજમાંથી વટવૃક્ષ બનવા,
જમીનમાં દટાવું પડે છે.