કેમ મારી સાથે
કેમ મારી સાથે
સહજ નથી આ જીવનની રાહો,
રાખી પણ ન શકાય એવી ચાહો.
ફૂલોની સંગાથે કાંટા પણ હશે,
સમજણ આવી તો કયારે થશે.
ઉતાર ચડાવ છે જીવનનો ક્રમ,
પાડવા નહીં મનમાં ખોટા ભ્રમ.
પુરુષાર્થ થકી જીવન ચમકશે,
સુતેલા ભાગ પણ જાગી ઉઠશે.
એવું તો થતું જ હોય બધા સાથે,
નથી લઈને ફરતા બોજ માથે.
પુરુષાર્થનો હથિયાર હોય હાથે,
દુનિયા બનાવી છે વિશાળ નાથે.
નિષ્ફળતા એ સફળતાની ચાવી,
ચલાવી જાણે જેને એ હાથ આવી.