કેડી

એકલતાનાં રણમાં અવિરત ગતિએ ચાલતી જાઉં છું, 

સાથે કોઈ ન હોય તો એકલી જાઉં છું, 

આખોય રસ્તો સૂમસામ ભાસે છે, 

અગોચર વનવગડામાં ભમતી જાઉં છું, 

ક્યાંકથી આવીને કેડીઓ મળતી હોય છે, 

ભાઈ, જવાનું ક્યાં છે ? એ પૂછતી જાઉં છું, 

ઝરમરિયા વરસાદમાં પણ ભીની થતી, 

મારી કાયાનાં ખાડામાં છબછબતી જાઉં છું, 

હવાની લહેરખીઓ ડગાવે છે અડગ મનને, 

તો પણ ચીંધેલ રસ્તાને પડકારતી જાઉં છું, 

સામે જ દેખાતું ક્ષિતિજે વાદળું સૂરજને રોકતું, 

સોનેરી સાંજને મારામાં ઢળતી જાઉં છું, 

"સખી" સૂસવાટાનાં સન્નાટા ઘણાં ભર્યા અહીં, 

શ્વાસોના શ્વાસ મહીં મારામાં ઓગળતી જાઉં છું.