જજબાતોની જ્યોતિ...
જજબાતોની જ્યોતિ...
શ્યામ!
તારા બે શબ્દો વચ્ચે મને મૌન બનીને રહેવા દે,
હોઠોથી જે ન બોલાય એ વાત મૌનને કહેવા દે,
હવે તો દીલનું દર્દ જ દવા બન્યું મારી બીમારીની,
એને તારા જ પ્રેમની નિશાની ગણીને મને સહેવા દે,
એક નદી ઉછળે સતત મારી ભીતર તારી યાદોની,
તારા સ્નેહના સમંદર તરફ અવિરત એને વહેવા દે,
હવે તો બધી જ માંગણીઓ પણ સમેટી લીધી અમે,
તારી ગલીમાં હવે આ પ્રેમ ભિખારણને ટહેલવા દે,
હવે શુ કરું આ જમાનાની ભીડને હું તારા વગર,
મને એકલીને મારા અલગારી એકાંતને પહેરવા દે,
તારા "પરમ" સંભારણા ઝખ્મો બની ખીલ્યા છે,
હવે "પાગલ" જજબાતોની જ્યોતિને ઝલહળવા દે.