જિંદગી અમે

વેદનાઓ સહીસહીને વીતાવી જિંદગી અમે

ના કોઈને કહીકહીને વીતાવી જિંદગી અમે.

મદદ કરનારા પણ નીકળ્યા સ્વાર્થસાધકને,

અશ્રુ નૈને ભરીભરીને વીતાવી જિંદગી અમે.

સ્થિર રહી પાંગરવાનું ક્યાં ભાગ્ય અમારું !

ભટક્યા અહીંતહીંને વીતાવી જિંદગી અમે.

જીવવાની ન હતી કિસ્મત અમારી લખેલી ને,

આશ્વસન લઈલઈને વીતાવી જિંદગી અમે.

મળ્યું અમને એ કે જેને હતા ધિક્કારતા સદા,

ઈપ્સિતને ચહીચહીને વીતાવી જિંદગી અમે.

ગુમાવ્યાનાં પાસે રહ્યા બળવત્તર અમે હંમેશ,

મેળવ્યામાં નહીંનહીંને વીતાવી જિંદગી અમે.