જીવન બાગ

અર્જુનના સવાલ થકી જન્મે મહાજ્ઞાન ગીતા,

ને દર્શન દેવા કાજે આજ કૃષ્ણ થયા સાક્ષાત ! 

મોહમાયાનો ભ્રમ આજ તુટ્યો મનને દ્વાર,

સપનામાં આવીને કૃષ્ણ રોજ કરે મુલાકાત !

અપેક્ષાઓ કૈં સઘળી છુટી કુંપળ ફુટ્યુ જ્ઞાન, 

અંતરમાં ઉજાગર થઈ કાઈ ભીતરની ઔકાત !  

હું પણાને ત્યજીને એ બીજ વાવ્યું નિરાકાર,

ને આમ થયો જીવન બાગે પુષ્પોનો પમરાટ ! 

હવે અલગારી ફકીરીનું ચડ્યું છે કાઈ તાન, 

મહેફિલ જમાવી અનોખી માણવાને એકાંત !