ઝંખના એક એવી

અહેસાસ થયો આજે મને,

કે મા એ શું હોય છે ?

જ્યારે હાથમાં જોઈ નાનકી એ પરી,

વ્હાલથી ચુમવાનુ મન થયું ઘડી.

મા ઘણું કહેતી મને પ્રેમથી,

પણ ક્યાં હતું એની લાગણીનું ભાન ?

આજે જ્યારે મને દીકરીનું,

મળ્યું અહોભાગ્ય ત્યારે યાદ આવી મા‌.

મા તું માજ છે‌ તારી તોલે ન આવે કોઈ,

આપણી જ સગાઈ લોહીની,

તારી જોડ ન મળે દુનિયામાં કોઈ !

આજે એક પળ નથી કરાતી દૂર,

મારી નાની વ્હાલુડી..કારણ...

મારી આ પરી છે કોહિનૂર‌.

કેમ કરી મને આપી હશે વિદાય ?

એ મારી મમતાળુ જનેતાએ,

આજે ફરી ફિકર થાય છે,

મારી વ્હાલી એ માતાની.

એને અનુભવેલી લાગણીઓનો

આજે ઈતિહાસ દોહરાય છે !!

અહેસાસ થયો આજે મને,

કે મા એ શું હોય છે ?