હે ઈશ્વર

હે ઈશ્વર હું પ્રાર્થના સદા તારી કરું,

તવ ચરણોમાં સદા શિશ ધરું !

મોર બની હું નર્તન કરું;

કોયલની સંગ સદા ગાન કરું !

જીવન આપ્યું તમે અનેરું;

એ સંસાર સાગરમાં સદા તરુ !

મળતા મળ્યું જીવન પ્યારું;

તારી શરણમાં સદા સમર્પિત કરું !

ફૂલડાંની ફોરમ વચ્ચે હું ભમું;

ગુંજન કરતા સદા ભમરા બની ફરું !

નિર્ગુણ વિચારો હું દૂર કરું;

સદગુણોની સાથે સદા બાથ ભરું !

તવ ઉપકારની હું પૂજા કરું;

સૃષ્ટિના સંગે સદા આમ રહું !

મંજિલ સુધી પ્રભુ સાથ રહું;

એવી તમન્ના સદા દિલમાં ધરું !