ગઝલ

ઘરેણાંયે રહ્યા નહિ, અન્યને આધીન થઈ ગઈ છે. 

પછી વહુવારુ શાહુકારની એક જીદ થઈ ગઈ છે. 

ચરણ લઈ કોઈ આવ્યું નહિ, એ લોહીઝાણ થઈ ગઈ છે.

યુગોયુગથી અહલ્યા શ્વાસની શાપિત થઈ ગઈ છે. 

વધારે ને વધારે પાણી ઊગાડો ઓ દરિયાજી,

જુઓ, આ શ્હેરની સઘળી હવા માચીસ થઈ ગઈ છે. 

હું ગાંડો થઈને નાચું ના, રડું ના તો કરું શું કહો ?

હવે 'શ્રદ્ધા'ની મારા લોહીમાં બહુ ભીડ થઈ ગઈ છે. 

નથી થાતી અને ક્યારેય પણ થાશે નહીં વશમાં,

હવે તો યાદ આ તારી કોઈ ઈન્દ્રિય થઈ ગઈ છે.