ઘબકાવું છું

નવ નવ રસોનું રસપાન,વર્ગખંડમાં કરાવું છું,

હું ઇતિહાસના દરેક યુદ્ધોને ફરી લડાવું છું.

ગણિતના દાખલે દાખલે, હરેક મૂલ્યને અંકુ,

વત્તા-ઓછા સાથે,જીવન ગણિત ભણાવું છું.

સમાજના સારા નરસા હર પાસાંને વર્ણવતા,

વિવિધતામાં એકતાના,પ્રકરણો સમજાવું છું.

હું માનવ છું આ જ સમાજનો,દર્દ મારેય ઘણું,

ટીકા ટિપ્પણી સાંભળું છતાંય ચહેરે હરખાવું છું.

શિક્ષક છું હું વર્ગખંડમાં દુનિયાનાં દર્શન કરાવું,

દુનિયા ઋણી મારી 'યાદ' હું વિશ્વને ધબકાવું છું.