ગાય

એ ગગનમાંથી ઉતરી’તી ગાય આપણી

ને દેવતાઓ એ કરી’તી કંઈક માંગણી

હે ! સમય સંગ છીનવાઈ ગઈ કાં લાગણી ?

કે સ્વાદ કાજ કરીએ છીએ તેની કાપણી !

છે સૂર્ય સંગ જોડાયેલ તેની નાડ ભી

એ દૂધ માંહે આલતી રહે છે લાગણી,

છે સત્વનો સંબંધ એ ગોબરની છાવણી

કરે પૂર્ણ સુરક્ષા છતાં ના કોઈ માંગણી,

ભૈ સૂકુ-લીલું,વધ્યું-ઘટ્યું સહુ ગળી જશે

પણ, બાળ એના આજ આ હદે ભી વઇ જશે ?

ના કરો તિરસ્કૃત એ છે માત આપણી

જો કરો સેવા તો એ લઈ જશે સ્વર્ગ ભણી

ફરી દેવતાંઓ કરી રહ્યાં એની માંગણી ?

કે ગગનમાંથી ઉતરી છે ગાય આપણી !