એને ક્યાં રૂબરૂ મળી શકાય છે !

મારા દિલમાં એનો ચહેરો ઘર કરી જાય છે,

એના વિના મને ક્યાં કશું દેખાય છે !

બહેલાવી લઉં છું મનને, એના ખ્યાલોથી,

આમ એને રૂબરૂ ક્યાં મળી શકાય છે !

હોય સફરમાં મારી સાથે રોજ રોજ,

તોયે એને ક્યાં સાદ પાડી બોલાવી શકાય છે !

કહેવું તો ઘણું છે મારે એને રૂબરૂમાં,

આમ દિલની વાતોને ક્યાં શબ્દોમાં આલેખી શકાય છે !

ચાહું તોય ક્યાં કદી કહી શકું છું દિલની વાતો એને,

આમ એના પ્રત્યેની પ્રિતને ક્યાં જગત સમક્ષ મૂકી શકાય છે !

આમ રાત દિવસ કરે પરેશાન, મને એની યાદો,

દિલના શહેરમાંથી ક્યાં એને દેશવટો આપી શકાય છે !

જો મળી જાય ખુદા એક વાર, તો પૂછવું છે,

તારાથી કેમ આવું કોઈનું નસીબ લખાય છે ?