Library
એમ પણ બને !
એમ પણ બને !
1 min
67
બારે મેઘ ખાંગા થાય ને, ભીતર રહી જાય કોરું, એમ પણ બને !
વસંત ચારેકોર લહેરાય ને, કોઈક પાંદડું રહી જાય પીળું, એમ પણ બને !
પંખીઓ ટહુકે મોજથી ને, કોઈક ટહુકો એક ખોવાય, એમ પણ બને !
મેઘધનુષ ઊગે સાત રંગોનું ને, કોઈ એક રંગ થઈ જાય બાદ, એમ પણ બને !
દિલ ધડકે ખુબ પ્રેમથી ને, ધડકન એક ખોવાય, એમ પણ બને !
હોય સાત જન્મોનો સાથ ને, હમસફર એક બદલાય, એમ પણ બને !
રોજિંદી સફર એ જિંદગીની ને, અચાનક રાહ બદલાય, એમ પણ બને !
બસ, આમજ ચાલતાં ચાલતાં, રસ્તે કોઈક ખાસ મળી જાય, એમ પણ બને !
