દિલ

પ્રેમના ધાગે એતો,

સદા બંધાયેલ રહેતો,

લાગણીઓની હેલીમાં,

સૌને ભીંજવતો રહેતો,

એનું નામ 'દિલ'.

બની અતિસંવેદનશીલ,

હ્રદયના ખૂણે,

વર્ષાવે લાગણીના,

પૂર અખૂટ,

નાજુક અને અતિ કોમળ,

હોય છે આ દિલ.

નફરતના પૂરોનો,

વિરોધી અચૂક

કોઈ પહોંચાડે જો,

આ દિલને ઠેસ,

તો રગેરગમાં આંસુ બની,

છલકે અસીમજગ

આખું, લાગે ઠગારું.

જીવવાની આશા બને,

નિરાશામાં અસીમ

જેમાં ન હોય લાગણીની,

કોઈ ભાષા, સદા બબડાવે.

તુચ્છ ભાષા એનામાં દિલ,

ન હોય ક્યારેય, એતો ખુદ હોય,

એક તોછડી ભાષા.

આ ક્ષણભંગુર જીવનમાં,

ન બોલશો, તોછડી ભાષા,

ન જાણે ક્યારે કોઈ,

પ્રેમભર્યા દિલની, ખોરવાઈ જાય,

જિંદગીની ભાષા.

કરી શકો તો એટલું કરજો,

સૌનાં દિલમાં રહો એવું કાર્ય કરજો,

દિલ સૌનાં હસતાં હસાવતા

આ જિંદગીના બે પલ માણી જોજો.

વાતને વાતવાતમાં,

હોઠે લાવે છે દિલ,

એમ કરી સૌનું દુ:ખ,

હળવું કરે છે આ દિલ !

બાકી શું કહેવું ?

લાગણીઓનો હેલી એવો,

સાચો હમદર્દી હોય છે આ દિલ.

દુ:ખમાં પણ સાથ આપતો,

સાચો સાથી હોય છે

આ દિલ