દીકરી

દીકરી મારી ઘરમાં હસે, 

ને દેવતાઓ મારા દિલમાં વસે !

ખુશીઓ કાયમ હિંચકે ઝૂલે, 

હસતી દીકરી ઘરમાં હશે !

સાચું કહું તો અજંપો રહેતો ;

અધૂરપ ને ખાલીપો ના જતો !

દિવસ ભરનો થાક કદીયે, 

દીકરી વગરના ઘરમાં ના ઉતરતો !

કેમકે હવે સાચું સમજાય છે, 

એ વખતે હસતો ચહેરો ક્યાં હતો ? 

પપ્પા પપ્પા આવી ગયા હસતી કહેતી ;

એ સાંભળતાં દીકરીને જોતાં ચહેરો હસતો !

જો એકાદ દીકરી હોય ને ઘરમાં, 

જીવન આખું દીવાની જરૂર ના પડે. 

તીર્થસ્થાન ફરી ફરીને પુણ્ય પામવા, 

ધર્મ કર્મ કરવા જવાની જરૂર ના પડે !