ધન્ય ધન્ય ! જનરલ રાવત રણભેરી
ધન્ય ધન્ય ! જનરલ રાવત રણભેરી
ધીર વીર મહા સેનાની
પરાક્રમી અભિમાની
લડ્યો દેતો રણહાક ડુંગરે દોડી
ધન્ય ધન્ય ! જનરલ રાવત રણભેરી,
જયહિન્દ, ફોજી જવાની
ધન્ય ! સુભટ સેનાની
માતૃભૂમિની શાન ત્રિરંગો તવ અંગે
શ્રધ્ધા સુમન અર્પણ બિપિનજી ચરણે,
વંદન અમર યશ સહભાગી
ધરા મંગલા ગર્વી બડભાગી,
સ્વાભિમાન વતનનું જયઘોષ રખવાળું
નહીં વિસરાય અમર જ્યોત અજવાળું,
ધન્ય ! યુગલ રાવત મધુલિકા
જંગ જશ્ન ધૈર્ય કૌવત સાધિકા
ના જ કોઈ જિંદગી શ્રેષ્ઠ દીઠી રે બીજી
ગુંજે જન ઉર ગગન તવ સંદેશ ફોજી,
ધન્ય ! રાવત ખુમારી ત્રિપાંખ સેનાની
વીરોચિત ભાગ્ય રળ્યું,
અશ્રુ ધારે દે વિદાય વતન સન્માની.