દાદાજી

વટવૃક્ષ સમાન તમારું વ્યક્તિત્વ હતું, દાદાજી,

તમે હતાં તો છાંયડાનું અસ્તિત્વ હતું, દાદાજી !

તમારી એ લાકડી હતી જાણે લકીર ખુમારીની,

ચાલમાં તમારી એક મઝાનું સત્વ હતું, દાદાજી !

યાદ છે હજુય એ ક્ષણો વિતાવેલી આપ સંગે,

જીવનમાં આનંદ પ્રમોદનું તત્વ હતું, દાદાજી !

શું કહું કે મારાં તો શબ્દકોશ ખૂટી ગયાં છે હવે,

કહી ના શકું એટલું તમારું મમત્વ હતું, દાદાજી !

પરિવાર છે હવે અધૂરો ને મકાન છે છત વિનાનું,

જાણું છું કે કેટલું તમારું મહત્વ હતું, દાદાજી !