ચિરાગ

દીપક પ્રગટાવવાની જરૂર ન પડે,

એની હાજરીથી અંધકારને,

ભાગવુ પડે.

યુગયુગાન્તર વીતી જાય પણ,

હૈયે નામ એમનાં કદી ના વિસરાય

આ છે સૌનાં હૈયાનાં

ઝગમગતા ચિરાગ.

 દેશને ખાતર મરી મિટનારા,

ભારત માનાં આંખોના તારા.

 મુશ્કેલીઓનો સામનો કરનારા,

 જીવનની સાચી રાહ બતાવનારા.

આ છે સૌનાં હૈયાનાં

સાહસના ચિરાગ.

સેવા કરે છે મા-બાપની,

મિલકતની કોઈ આશ વિના.

શ્રવણ જેવી કરતો સેવા,

કોઈ વાહવાહીની આશ વિના.

આ છે સૌનાં હૈયાનાં

શ્રવણરૂપી ચિરાગ.

હારેલાઓને હિંમત આપતાં,

અસહાયકોના સહાયક બનતાં.

આંસુઓ લૂછતાં દુ:ખીઓના,

સૌ ઈચ્છે રહેવા એનાં સહેવાસમાં

આ છે સૌનાં હૈયાનાં

 આનંદરૂપી ચિરાગ.

 જેના આગમનની પ્રતીક્ષા થાય,

 જેની ખોટ પળેપળે વર્તાય......!

 નામ લેતા જ સૌ કોઈ હરખાય,

મહાન બન્યા આખા જગમાંય..!

આ છે સૌનાં હૈયાનાં

આશારૂપી ચિરાગ.

 હે પ્રભુ! મુજ સ્વ માં જ,

 ચિરાગ પ્રગટાવો એવો.....!

કે હસતા સદા રાખું સૌને,

આ ઘનઘોર વિકટ વંટોળોમાં....!

ને સદાય,

સૌમાં વસી રહું,

ઝળહળતી ચિરાગ બની.