ચ્હાની ચાહ

જ્યારે જીવનમાં કોઈ ચાહ ના રહે, ચ્હા રહે છે સાથે,

શહેરમાં ફરવાની કોઈ રાહ ના રહે, ચ્હા રહે છે સાથે !

આસપાસ કોઈ હોતું નથી, પડછાયો તોય સાથે રહે,

બુજાવવા એકેય પછી દાહ ના રહે, ચ્હા રહે છે સાથે !

મોજમાં રહું છું રોજેરોજ, એનું કારણ બસ તું છે,

બાહોમાં જ્યારે કોઈ બાહ ના રહે, ચ્હા રહે છે સાથે !

જીવનમાં કદી ઝંખના પૂર્ણ ના થાય, અફસોસ નથી,

કોઈ આપે એવીય સલાહ ના રહે, ચ્હા રહે છે સાથે !

ધીમે ધીમે દિવસો એ પણ ભૂલાય જાય છે, તેમની,

આછી તસ્વીર પણ માહ ના રહે, ચ્હા રહે છે સાથે !