ચાંદ સાથે વાત

કહ્યું મેં ચાંદને તું શું કામ આવે છે ?

રોજ રોજ આવીને મને કેમ તડપાવે છે ?

ખબર તને કે મને તારામાં એનો જ ચેહરો દેખાય છે, 

તારી ચાંદની મારા દિલમાં આગ લગાવે છે,

એ પાસે નથી ને સાથે ય નથી છતાં, 

દરરોજ રાતે આવીને તું એની યાદ અપાવે છે,

જાગીને રાતભર તારી જોડે વાતો કરું છું જેની, 

શું એ પણ ક્યાંકથી તને જુએ છે ,

એ પણ ક્યારેય મને મળવાની ફરિયાદ કરે છે,

હોય જો સાચ્ચે તું મિત્ર મારો એ ચાંદ, 

શોધી લાવને મારો પ્રેમ ક્યાંય ખોવાયેલો લાગે છે,

પિયુના મનમાં જ ક્યાંક છુપાયેલો લાગે છે.