બુલંદ ચાલ મારી

ગંતવ્ય નક્કી છે જ મારું,

રસ્તાઓ નવા કંડારવા છે.

ઈરાદો સદા બુલંદ છે મારો,

સિદ્ધિનાં શિખરો સર કરવાં છે !

જીતનો વિકલ્પ પરિશ્રમ એક,

કદમોને આગળ ધપાવવા છે.

પત્થરોની છાતી પર પગ ધરી,

પગલાઓ અંકિત કરવાં છે !

પાછળ આવતાં પથિક માટે

નવાં માઈલસ્ટોન ખોડવા છે.

આસાન નથી પથ તો શું થયું,

મારે રાહનાં રોડા દૂર કરવાં છે !

'દીપાવલી' દ્રષ્ટિ ઉંચી રાખજે,

આજે સૂરજને ય હંફાવવો છે.

તપતા સૂરજની સાક્ષીએ જ તો,

બાહુબળનાં પારખાં કરવાં છે !

જાણું છું, વિજય સ્તંભ ટોચ પર,

મારે તો રસ્તાનો આનંદ લેવો છે.

પહોંચું ટોચે ખોબલે કિરણો ભરુ,

મારે સૂરજને અંજલિદાન કરવાં છે !