ભીંજાવું તારી યાદમાં
ભીંજાવું તારી યાદમાં
ભીંજાય ભલે બધા વરસાદમાં,
હું તો ભીંજાવું તારી યાદમાં,
છો તણાય ઘરો ને ખેતરો આ વરસાદી પૂરમાં
હું તો છું તણાઈ તારી લાગણીઓનાં પૂરમાં,
થઈ રહ્યા ભલે આભમાં વીજળીનાં ચમકારા,
હું તો ચમકું છું તારા હાથે ભરાયેલા સિંદૂરમાં,
થયા છે લોકો તરબતર આ ભીની માટીની સુગંધમાં,
હું તો થાઉં તરબતર તારા આગમનની સુગંધમાં,
ઘેલા થયા છે લોકો આ પહેલા વરસાદની હેલીમાં
હું તો થઈ ઘેલી તારી હાસ્યની હેલીમાં.