ભાગ્યને ભરોસે બેસી રહેવું નહિ

નસીબ પર કોઈ વાત છોડવી નહિ,

ઈશ્વર પરની આસ્થા છોડવી નહિ,

આજે તો કાલે મળશે મહેનતનું ફળ ચોક્કસ મળશે,

ભાગ્યના ભરોસે બધી વાતો છોડવી નહિ,

કીડીને કણ હાથીને મણ આપે છે ઈશ્વર,

પણ લેવા જવાની જવાબદારી છે આપણી ઉપર,

જંગલનો રાજા ભલે હોય સિહ, શિકાર કોઈ સામે આવીને મળતો નથી,

ભાગ્યના ભરોસે બધી વાતો છોડવી નહિ,

નાનકડું પંખી પણ ખોરાકની શોધમાં અહીં તહીં જાય,

ભાગ્યના ભરોસે કદી બેસી રહેવાય નહિ,

જે સૂવે એનું ભાગ્ય પણ સૂવે,

ઊઠીને જે કરે મહેનત એના નસીબ ચમકે,

બસ કર્મ કર, ફળની ચિંતા રાખ્યા વગર,

આજે નહીં તો કાલે મળશે,

કર્મનું ફળ ચોક્કસ મળશે.