બેટી બચાવો

મા... ઓ.. મા....

આજે, તારામાં હું સમાણી,

તું મારા વિચાર માત્રમાં ખોવાણી !

તારા ઉદરમા હું સમાણી,

એટલા માટે તું મૂંઝાણી ?

મા.... ઓ.... મા...

તું આટલી શીદ ને મૂંઝાણી,

તું, મુજ આવવાની ખુશી માં મૂંઝાણી !

મને ખબર, મા ની મમતા ઘણી-ઘણી,

પણ, તારાથી ક્યાં છુ હું અજાણી ?

મા... ઓ.... મા...

તારા ખોળામાં રમવાની ઈચ્છા ઘણી-ઘણી,

તારા પ્રેમ માં તરબોળ થવાની ઈચ્છા ઘણી-ઘણી !

મને આવવાની અપેક્ષાઓ ઘણી-ઘણી,

પણ, તુજ ને ચિંતાઓ ઘણી-ઘણી ?

મા... ઓ... મા...

હું તો બનવા ચાહું મુક્ત ગગનનું પંખી,

પાંખો આવ્યે ઊડી જઈશ પરદેશ,

હું તો તારી પાસે બીજુ કંઈ ના માંગુ "મા",

બસ, એકવાર આ "બેટી"ને ધરા પર અવતરવા દે.....!