પહેલા વરસાદમાં

ઝરમર પડ્યા ફોરા,

ઝીલી લઈએ હાથમાં,

આ પહેલા વરસાદમાં...!

લીલુડી ધરતી બની,

પ્રકૃતિ રમણીય બની,

આ પહેલા વરસાદમાં...!

મોરલા બન્યા આતુર,

નાચવા થનગનાટ નૃત્ય,

આ પહેલા વરસાદમાં...!

ચાતક બન્યુ આતુર,

ઝીલવા પાણીની બુંદ,

આ પહેલા વરસાદમાં...!

સપ્તરંગી મેઘધનુષ,

ખીલ્યું આ ગગનમાં,

આ પહેલા વરસાદમાં...!

ગાયન કરે બાળકો,

નાવ બનાવે બાળકો,

આ પહેલા વરસાદમાં...!

ભજીયાની લિજ્જત જામી,

શેરી-શેરીએ સોડમ આવી,

આ પહેલા વરસાદમાં...!

સંગાથ તારો ચાહુ,

સદા ઓ પ્રિયતમ,

આ પહેલા વરસાદમાં...!