મમતાળી મા

મા, પ્રેમ તારો વિશાળ સાગર જેવો,

સદા આ પ્રેમમાં તરબોળ થવા ચાહુ હું ..!

મા, ખોળો તારો હૂંફ આપતો,

સદા આ હૂંફના હિંડોળે હીંચવા ચાહુ હું..!

મા, લાગણી તારી મીઠી મીઠાઈ જેવી,

સદા આ મીઠાઈ મેળવવા ચાહુ હું..!

મા, કુટુંબ પ્રત્યેની સારી ભાવના તારી,

સદા આ બાબત શીખવા ચાહુ હું..!

મા, દુ:ખો હરતું નિખાલસ હાસ્ય તારુ,

સદા આ સ્મિતના સ્નેહમાં ડૂબવા ચાહુ હું..!

મા, ફૂલ જેવું કોમળ હૃદય તારુ,

સદા આ વનમાં ફૂલ બની મહેકવા ચાહુ હું..!