અંતરમાં વરસે યાદોનાં મેઘ
અંતરમાં વરસે યાદોનાં મેઘ
વિરહની વેદના આ સહેતો ચૂપ રહ્યો છું હું,
ખુશી કાજે તારી તડપતો જો દૂર રહ્યો છું હું,
ભલે ન મળે તું આ જનમે તો ફરિયાદ શેની
જોઈ ખુશ તને હૃદયથી મલકાઈ રહ્યો છું હું.
વરસતાં મેઘ જોઈ ભીતર વરસી રહ્યો હું
મધુર યાદોમાં આ તારી જાણે પલળી રહ્યો હું,
દૂર હોવા છતાંય તું લાગે ન જરીય દૂર મને
બંધ આંખે પણ તને જ સમીપે જોઈ રહ્યો હું.
નેહ છલકતાં નેણ લાગે સ્નેહનો વરસાદ
હરપળ બુંદ વરસાદની અપાવે છે યાદ
દૂર રહે તોય કરે સદા મુજ હૈયામાં નિવાસ
ભીની માટીની સુગંધ લઈને આવે તારી સુવાસ.