અહંકારને ઓગાળી લઈએ
અહંકારને ઓગાળી લઈએ
ચાલ બધું ભૂલી એકબીજામાં ભળી જઈએ,
એક સોનેરી સાંજે આપણે મળી લઈએ,
શબ્દોની ક્યાં જરૂર છે લાગણી વ્યક્ત કરવા,
એકબીજાના મૌનને આપણે કળી લઈએ,
એકબીજા માટે આપણે ફના થઈ જવા,
મનમાં રહેલા અહંકારને ઓગાળી લઈએ,
એકમેકમાં ભળવા આપણે હુંપણું છોડીએ,
સાથે મળી આપણે પથ્થરને પીગાળી દઈએ,
ભલે ને હોય અમાસ જેવી અંધારી રાત્રિ,
સાથે મળીને જીવન આપણે ઉજાળી લઈએ,
સાથે મળીને જીવનસાગર પાર કરીએ,
એકબીજાને આપણે સંભાળી લઈએ,
હાથમાં હાથ પકડી ડગર પર ચાલીએ,
એકબીજાની મુસીબત આપણે ટાળી દઈએ.