અભિમાન શું કરવાનું
અભિમાન શું કરવાનું
અભિમાન શું કરવાનું ? આખરે સૌને માટીમાં મળવાનું,
ભેગુ કરેલું સઘળું આખરે અહી જ રહેવાનું.
જે મળ્યું છે તેમાં જ મોજ માણી લેવાની,
નથી મળ્યું એના માટે શું હૈયું બાળવાનું !
હર એક પળને ખુશીથી જીવી લેવાની,
ધન દૌલત પાછળ શું વ્યર્થ દોડવાનું !
ચાર દિવસની જિંદગી પૂરી થઈ જશે આમ,
નાહકની ખોટી પળોજણમાં શું પડવાનું ?
છેવટે તો આપણે સૌ એ ઈશ્વર પાસે જવાનું,
ધન, દૌલત, સંપતિ ને અહી છોડીને જવાનું.