આવી શું ટેવ રે

ઓ કાન્હ ! તને આવી શું ટેવ રે....? 

યમુના કિનારે આવી પજવે સતાવે, 

પછી મુખ જોઈ પૂછે , આમ કેમ રે.....? 

ઓ કાન્હ ! તને આવી શું ટેવ રે.....? 

પિરસું ગોરસ તારે ખાવા નહીંને, 

ગોપી ઘેર તું કરે રેલમછેલ રે...... 

ઓ કાન્હ ! તને આવી શું ટેવ રે....? 

અધરે બંસી ધરી છેડે તું સૂર જ્યારે, 

દોડે મન જાણે મળવાની નેમ રે...... 

ઓ કાન્હ ! તને આવી શું ટેવ રે.....? 

મનડું મોહે તું કાન્હ ચિત્તડું ચોરે ને, 

પછી છૂપાયે આભે ચાંદ જેમ રે...... 

ઓ કાન્હ ! તને આવી શું ટેવ રે.....? 

વિનંતી કરૂ કાન્હ ઝાલી લેજે હાથ, 

મારા ભવનાં બંધન છૂટે એમ રે...... 

ઓ કાન્હ ! તને આવી શું ટેવ રે.....?