આપણું કર્મ

અંધારામાં જ્યોતિ મળે; એ ખરું! પરંતુ,

જ્યોતને અગ્નિ પેટે ઝળહળ કરાવવાનું કામ તો આપણું ને?

હજાર રસ્તા બંધ થાય ત્યારે એક બારી તો ખુલ્લી જ મળે; એ ખરું! પરંતુ,

બારીમાંથી બારણાં સુધીની સફર તો ખેડવાની જવાબદારી તો આપણી જ ને?

શબ્દો અને લાગણીઓથી અનહદ સંવાદ સર્જાય એ ખરું; પરંતુ,

એ સંવાદના સમીકરણો ઉકેલીને એનું પુનઃસર્જનની જવાબદારી તો આપણી જ ને?

કુદરતી શક્તિનો પ્રતાપ તો સદંતર સાથ આપે એ ખરું; પરંતુ,  

સત્યની રાહને પકડી સુનામીના મોજાંનો સામનો તો આપણે જ કરવાનો ને?