આખરે તો છું એક નારી

હોય ભલે ગમે તે દેશ,

હું પહેરું ભલે કોઈ પણ પહેરવેશ,

આખરે તો છું એક નારી !

હું એમાં રહી ભારતીય નારી,

સહનશીલતા અને ત્યાગની દેવી,

આખરે તો છું એક નારી !

એક સમય હતો કે સ્ત્રી જ્યારે,

ચાર દિવાલોની વચ્ચે રહેતી ત્યારે,

આખરે તો છું એક નારી !

એ સ્ત્રીઓ પણ સંવેદનાથી ભરપુર હતી,

છતાંય એમાં વીરાંગનાઓ છુપાઈ હતી,

આખરે તો છું એક નારી !

રાણી લક્ષ્મીબાઈ કે હોય ઈન્દિરા ગાંધી,

સ્ત્રીઓની પણ હોવી જોઈએ છપ્પનની છાતી,

આખરે તો છું એક નારી !

કહેવાય છે જમાનો સ્ત્રીઓનો છે આજે,

છતાં પોતાનાં અધિકાર માટે લડવું પડે છે આજે,

આખરે તો છું એક નારી !