આ તે કેવું ગાંડપણ?

આશ્ચર્ય પામે વાનર જોઈને ગાંડપણ,

વિચારે ચડ્યું કે કયાં માનવનું શાણપણ?

સામે ન માણસ તો એ હસતો જાય છે,

ન દેખાય કોઈ તો એ ગીત ગાતો જાય છે.

એક હાથે મૂકે ફોન તો લે લેપટોપ,

થયું એનું જીવન જાણે છૂટેલી તોપ.

ભૂલ્યો એ માણવાનું સાચા સુખ-દુઃખ,

વર્ચ્યુઅલ દુનિયા જ છીપાવે છે એની ભૂખ.

કરે હજારો શબ્દોની ફોન પર આપ-લે,

ભૂલી ગયો છે કહેતા કે લાવ તાળી દે!

વાનર પણ જાણે કેટલા જંગલમાં ફળ-ફૂલ,

માનવીને નથી ખબર કોણ રીઅલમાં કૂલ.