આ જલેબી મીઠી મીઠી

શિયાળભાઈએ માંડી દુકાન જલેબીની

ખાવાને આવે સૌ કોઈ રોજ દોડી દોડી

આ જલેબી મીઠી મીઠી....!

સસલાભાઈ નિત નિત આવે 

સાથે મોટા હાથીને એ લાવે

આ જલેબી મીઠી મીઠી....!

ગોળ ગોળ ને ગૂંચળાદાર જલેબી

ખાઈ જે એકવાર આવે રોજ દોડી

આ જલેબી મીઠી મીઠી...!

ગાંઠિયા ની દોસ્ત છે એ પાકી

દશેરામાં સૌએ હોંશે હોંશે ખરીદી

આ જલેબી મીઠી મીઠી...!

શિયાળભાઈએ ચણાના લોટમાં બનાવીને તળી

ચાસણીમાં નાખીને એને રે ઝબોળી

આ જલેબી મીઠી મીઠી....!

જોઈ મને હાથીના મોં માં આવ્યા પાણી

ખાધી મને હોંશે ઉંટ સાથે કરી રે ઉજાણી

આ જલેબી મીઠી મીઠી....!