వివరం చెప్పాలిలే

ప౹౹

వింత ఏదో కళ్ళలోనే మరి కనుగొన్నానులే

కొంత కొత్తగా ఉందిలే అని అనుకొన్నానులే ౹2౹

చ౹౹

ఎందుకో ఆ మెరుపెందుకో చెప్పాలిలే తప్పదే

పొందికే పొదివిపట్టి అదిమిపెట్టాలన్నా ఒప్పదే ౹2౹

గుండెలో గూడుకట్టిన వివరమే ఇక విప్పాలిలే

కొండలా కోరికనే పెంచక విషయమే చెప్పాలిలే ౹ప౹

చ౹౹

పిడికెడు హృదయంలోనే పిందె లేసిన ప్రేమని

అలికిడిలేని ఆగమనంతో చిగురించని ఆమని ౹2౹

దాచి దాచిన ఆ దాపరికపు దాగుడుమూతలు 

వేచి చూచిన వేసారే చిత్రమైన పడుగు పేకలు ౹2౹

చ||

విరగపూసిన విభ్రమను విందుగా చూపాలిలే

తరగలేసిన ఆ తనువునూ తన్మయించాలిలే ౹2౹

నచ్చిన ప్రియుడే వచ్చినే వలచినా వలపుతో 

మెచ్చిన మనసు నిండదా తీయని తలపుతో ౹ప౹