విలువైన విషయాలు

కాలుష్యరహితమౌ కాలమే వస్తుంది
 వీలుగా మనకింత పెన్నిధిని తెస్తుంది

 మన్నులో పుట్టాము మన్నులో పెరిగాము
 మన్నులో నుందిలే మాహాత్మ్యమన్నాము

 వసుధ మనకిడును సౌభాగ్యసిరిసంపదలు
మిసిమితో వెలుగొందు మేదినీ దీపికలు

 కన్నభూమి పదములు కైమోడ్చి మ్రొక్కెదము
దన్నుగా నిలుచుండి దాస్యమును చేసెదము

 తెలిసికొను జనులెల్ల తెలివితో మెలిగారు
విలువైన విషయాలు విశదీకరించారు

 ప్రాత పద్ధతులెపుడు ప్రగతి నందించులే
 జాతినే నడిపించి జ్ఞానంబు నొసగులే

 అవ్వతాతల బాట యాదర్శ మౌతుంది
ఆ దూరదృష్టి మనకాలంబనౌతుంది

 నేర్చుకుందాములే నేర్పుతో చదువులను
తీర్చుకుందాములే ధిషణతో కోరికలు.//