వీడ్కోలు గణేశా!
వీడ్కోలు గణేశా!
శివుని గారాల పట్టివి చిన్మయుండ
జగతి నంతయు బ్రోవుచు సుగతి నీయ
వచ్చి యుంటివి ముదముగా వసుధ యందు
నుత్సవంబులు చేయుచు నుఱికి నుఱికి
కుడుములుండ్రాళ్లు పెట్టుచు కూర్మి తోడ
నిన్ను గొల్చితి మయ్యరో!నెమ్మి జూపి
వరము లన్నియు కురిపించి కరుణ జల్లి
పయన మైతివి కైలాస పర్వతముకు.
వెళ్లి రావయ్య!గణపతీ!విమల హృదయ!
మదిని నిల్పుచు నీరూపు మఱచి పోక
వత్సరంబును గడుపుచు భక్తి తోడ
దలచి కొందుము మాకుల దైవమనుచు
మరల భాద్రపదంబున మరలి రమ్ము!
వేచి యుందుము నాయకా!వినతి వినుమ!
-------------------------